آفتاب غلام نبي قاضي

آفتاب غلام نبي قاضي: بئنڪ آف پاڪستان'>اسٽيٽ بئنڪ آف پاڪستان جو اڳوڻو گورنر آفتاب جي اين قاضي 6 نومبر 1919ع تي خانبهادر غلام نبي قاضي جي گهر نوشهري فيروز ۾ پيدا ٿيو. رياضيءَ ۾ ايم. ايس سي ڪرڻ کان پوءِ 1943ع ۾ انڊين سول سروس (آءِ سي ايس) جي مقابلي واري امتحان ۾ شريڪ ٿيو ۽ اعزاز سان ڪامياب ٿيو. کيس بهار، اڙيسا سول سروسز ۾ چونڊيو ويو. پاڪستان ٺهڻ کان پوءِ قاضي صاحب پنهنجون خدمتون پاڪستان لاءِ وقف ڪري ڇڏيون. انهيءَ وقت کان وٺي پاڻ مختلف عهدن تي رهندو آيو. اسسٽنٽ ڪليڪٽر هالا، ڪليڪٽر ٺٽو ۽ اولهه پاڪستان جو سيڪريٽري ماليات رهيو. 1962ع کان 1965ع تائين واشنگٽن ۾ پاڪستان جي اقتصادي کاتي جي نمائندي طور خدمتون انجام ڏنائين. ان کان پوءِ اولهه پاڪستان ۾ ترقيءَ ۽ منصوبي بنديءَ واري کاتي جو چيف سيڪريٽري ٿيو. 1966ع ۾ کيس واپڊا جو چيئرمئن بنايو ويو. 1969ع ۾ سيڪريٽري خزانه مقرر ٿيو. 1978ع کان 1986ع تائين بئنڪ آف پاڪستان'>اسٽيٽ بئنڪ آف پاڪستان جو گورنر رهيو. 1993ع ۾ پرائيويٽائيزيشن ڪميشن جو چيئرمين مقرر ٿيو. 1994ع ۾ 75 سالن جي عمر ۾ رٽائر ٿيو. 9 آگسٽ 2016ع تي، ڊگهي بيماري کان پوءِ اسلام آباد ۾ وفات ڪئي.

داخلا ۾ استعمال ٿيل تاريخون

1919.11.06  عيسوي

اسٽيٽ بئنڪ آف پاڪستان جو اڳوڻو گورنر آفتاب جي اين قاضي 6 نومبر 1919ع تي خانبهادر غلام نبي قاضي جي گهر نوشهري فيروز ۾ پيدا ٿيو

2016.08.09  عيسوي

آفتاب جي اين قاضي 9 آگسٽ 2016ع تي ،ڊگهي بيماري کان پوءِ اسلام آباد ۾ وفات ڪئي .

شخصيتون - ڀاڱي جون ٻِيون داخلائون